Возовите по 16 часот нема да сообраќаат

Машинскиот персонал во Железници Транспорт ќе бојкотира поради неисплатениот втор дел од платата за јуни годинава, поради што попладне по 16 часот нема да ги извршува работните задачи, изјави за МИА, Тони Димовски, претставник на машинскиот персонал во Железници Транспорт. Одлуката е донесена на денешниот собир на машиновозачите и помошниците, а бојкотот значи дека нема да тргнат патничките и товарните возови по 16 часот денеска.

Во возниот ред за попладне, како што информира Димовски, се предвидени сообраќања на возовите на релацијата Скопје-Гевгелија и Скопје-Велес, како и неколку товарни возови.

Загубите на македонските железници „изедоа“ една пруга до Бугарија

„Ние баравме платата да биде исплатена до 25 наредниот месец или да не извести менаџерскиот тим дека ќе доцни платата, но се уште не сме известени“, изјави Димовски. Освен исплата на платата бараат да им се исплати и надомест за квалитет.