Закани од Иран по инцидентот во нуклеарната централа
Иран предупреди дека ќе започне со збогатување на ураниум до 60 проценти, два дена по наводниот напад врз главната нуклеарна постројка во земјата Натанз. Иран за нападот го обвини Израел.
Предупредувањето дојде неколку часа откако врвен ирански дипломат рече дека наводниот напад врз Натанз е „многу лоша коцка“ што ќе ја зајакне позицијата на Техеран во разговорите за заживување на нуклеарниот договор со светските сили од 2015 година.
Иран го обвини Израел за нуклеарниот инцидент
Иран ја извести Меѓународната агенција за атомска енергија (МААЕ) за својата намера „да започне збогатување од 60 проценти“, објави денеска државната новинска агенција ИРНА. Збогатувањето на ураниум до 60 проценти би било највисоко ниво постигнато со нуклеарната програма на Иран, иако сè уште е далеку од потребните 90 проценти за воени цели.
Инцидент во иранската нуклеарна централа Натанз
Според нуклеарниот договор, Иран се обврза на збогатување ураниум на 3,67 проценти. Неодамна беа постигнати 20 проценти, бидејќи како што наведоа властите, договорот повеќе не може да се спроведува.