Филипче: Сериозно е, следниот чекор е полициски час
Предложените рестриктивни мерки - Сите економски оператори да работат до 23 часот, автобусите да возат со 50 отсто од капацитетот, а вработените во администрацијата, општините и судовите, секаде каде што тоа е можно, да работат во смени или онлајн од дома или редуцирано по систем на ротации - ќе се најдат на утрешната собраниска седница, информираше денеска министерот за здравство, Венко Филипче, по состанокот со членови на Комисијата за заразни болести во Владата.
„Апелирам дека ситуацијата е навистина сериозна. Следен чекор е полициски час. Во законска измена се внесува уште еден став со кој понатаму ќе се прифаќаат сите други мерки со одлука на Владата. За да биде изгласан потребно е мнозинство од 61 пратеник, но не очекувам расправата да трае повеќе од 2-3 дена. Верувам дека до крајот на неделава, мерките ќе стапат во сила, изјави министерот Филипче.
Од отворање на градинките до сега 18 деца и 55 вработени позитивни Ковид-19
Смета дека до крајот на неделата, Собранието ќе ги изгласа изменитена Законот за заштита од населението од заразни болести со што овие мерки, но и мерките од претходниот пакет ќе стапат во сила.