Вишеградска група: Македонија да почне преговори со ЕУ идната недела

Амбасадорите на Унгарија и на Словачка, Ласло Дукс и Хенрик Маркуш, на денешната прес-конференцијата по повод примопредавањето на претседателството со Вишеградската група, изјавија дека очекуваат добри вести идната недела - Македонија да ги почне преговорите со ЕУ.


„Ќе помогнеме колку што можеме зашто земјата треба да стане полноправен член што поскоро, а договорот со Грција е само дополнителен, силен поттик во оваа насока“, рекоа амбасадорите.


Тие нагласија дека Вишеградската четворка е „силен поддржувач на проширувањето на ЕУ, а за членството на Македонија, времето е повеќе од вистинско, а изборот е јасен“.