Грчките медиуми ги објавија деталите од договорот за името

Грчките медиуми денеска објавија дека главните точки од договорот за името што треба да го потпишат Грција и Македонија се: Република Северна Македонија ерга омнес, со македонски јазик и идентитет.


Според информациите на грчкото радио „247“ и на новинари од неколку други влијателни грчки медиуми, деталите од договорт за името се:


- Се отстрануваат наводите во Уставот за „заштита на македонското малцинство“ вон границите и се спроведува соодветниот член што постои во грчкиот Устав за дијаспората.


- Се одредуваат преодни периоди за промена на внатрешните документи и овој сложен процес се поврзува со отворањето поглавјата во пристапните преговори.


- Се формира комисија која ќе ја разгледа употребата на трговските ознаки во двете земји


- Се признава македонски јазик (macedonian language) со забелешка дека Северна Македонија во рамките на договорот признава дека овој јазик е со словенско потекло (како што е заведено во рамките на ОН)


- Во однос на националноста важи терминот Macedonian/citizen of the Republic of North Macedonia со јасно споменување дека народот на оваа земја не е поврзан со античката грчка цивилизација.