Мицкоски: Македонската економија е фијаско
„Денес Државниот завод за статистика повторно ја потврди лошата економска политика на СДСМ. Имено според официјалните податоци, БДП во првиот квартал од 2018 година забележал раст од минимални 0,1%. Убедливо сме на дното. Притоа, од приходна страна, пад од цели 37% забележува градежниот сектор, што всушност и ја отсликува НЕ работата на Владата на Република Македонија предводена од Зоран Заев. Немањето на сопствени проекти и стопирањето на проектите од претходната Влада негативно влијаат врз македонската градежна оператива и македонската економија во целост,“ изјави Мицкоски.
Претседателот на ВМРО-ДПМНЕ истакна дека од расходна страна, падот повторно е алармантен кај бруто-инвестициите. Имено во првиот квартал од 2018 година, бруто-инвестициите забележуваат пад од 9%, со што продолжува политиката на деинвестирање, која како што рече е својствена за СДСМ.