Депутат Самыйкожо: Сөз эркиндигин чектөөгө шымалангандар бар
“Бизде бүгүн сөз эркиндигин чектөөгө шымаланып бараткандарды көрүп жатабыз. Сөз эркиндиги чектелсе эртең биздин тилибиз кыркылып калат. Демократиялык өлкө болгондон кийин бул өзүбүздүн ачык ой-пикирибизге болгон кысым деп эсептелинет”.
12-октябрда Жогорку Кеңештин депутаты Дастан Бекешев депутат Надира Нарматова «Клооп», «Азаттык» жана “Кактус” ЖМКларын жабуу тууралуу кол топтоп жатканын билдирген. Нарматова өзү бул сөздөрдү четке кагып, алар эч негизсиз экенин айтып чыккан.
13-октябрда Бишкекте, “Азаттык медианын” кеңсесинин алдына 30дай киши чыгып, анын жабылышын талап кылды. Өзүн блогер, активист деп тааныштырган адамдар чогулган акцияда “Азаттыктын” жабылышы үчүн кол топтоло башталары маалымдалды жана күч колдонууга чакырыктар айтылды. (RK)