Новости за 05.07.2022

"Дордой" базарында чыккан өрттү өчүрүү аракети уланууда. Өзгөчө кырдаалдар министрлиги 5-июлда саат 11де билдиргендей, базарда жайгашкан тамактануучу жайдан өрт чыкканы тууралуу маалымат түшкөн. Тилсиз жоо менен алышууга 10:19да өрт өчүрүүчү бир бөлүм, 10:25те кошумча эки бөлүм, саат 10:30да дагы бир бөлүм, суу ташуучу бир машина,  10:33тө бир, саат 10:36да дагы бир бөлүм тартылганы маалымдалды. Жалпысынан өрттү өчүрүүгө Бишкек шаардык, Ленин, Свердлов жана Биринчи Май райондук өрт өчүрүү башкармалыктарынан алты бөлүм катышууда. Читать дальше...

Кой-Таштагы аскердик бөлүктө кызмат өтөп жаткан жоокер каза тапты. Коргоо министрлиги жоокер постто сакчылык кызматын өтөп жатып, кокустуктан улам өзүн атып алып, көз жумганын айтып жатат. 22 жаштагы Элдияр Жайлообековдун үй-бүлөсү кокустук тууралуу версияны четке кагып, жоокер кыйноого кабылышы мүмкүн дешет.

“Эсимде” изилдөө аянтчасы 1916-жылдагы көтөрүлүш жана Үркүн окуяларына арналган эскерүү жүрүшүн уюштурганы жатканын 4-июлда жарыялады. Жүрүш август айынын биринчи жумасына пландалууда. Анын алкагында катышуучулар 1916-жылдагы трагедияга байланышкан тарыхый жерлерди кыдырышат. Чүй өрөөнүнөн башталган эскерүү жүрүшү Ысык-Көлдүн күңгөйү менен тескейин аралап, Сырт өрөөнүнө, кандуу окуялар болгон, адамдарды атып өлтүрүшкөн, тарыхты баяндаган жазуучулардын китептеринде жазылган жана жергиликтүү тургундар оозеки айтып жүргөн аймактарга барат. Читать дальше...

Министрлер кабинетинин төрагасынын орун басары Эдил Байсаловдун зордукталган 13 жаштагы кыз тууралуу маалыматка социалдык түйүндөрдөгү реакциясы талкуу жаратууда. Бул окуяны окугандын өзү канчалык сыздатарлык экени жөнүндө 4-июлда Твиттерде бөлүшкөн колдонуучуга ал "муну жазып, сыздоону андан ары жайылтуунун эмне кереги бар?" деген өңүттө жооп калтырган. Интернет-колдонуучулар Байсаловдун жазганын бөлүшүп, социалдык тармакка жооптуу жетекчинин мындай жообу кечирилгис экенин белгилеп, айрымдар... Читать дальше...

Каракалпакстанда нааразылык акцияларына катышкан 18 жаран каза таап, 516 жаран камалганы кабарланды. Токмок шаарында “карындашын коргоп, адам өлтүрүүгө” шек саналган Сухраб Жумакулов эки айга камакка алынды. Кой-Таштагы аскердик бөлүктө каза болгон 22 жаштагы Элдияр Жайлообековдун туугандары аны киши колдуу болду деп эсептешет.

Өкмөткө эл жолдогон арыз-даттануулардын 80% укук тартибин коргоо органдарынын ишине байланыштуу экенин 4-июлда Министрлер кабинетинин төрагасы Акылбек Жапаров Нарын облусунда жергиликтүү тургундар менен жолугушуда айтты. “Тергөө иштерине, соттук процесстерге даттанган адамдар арбын. Ошондуктан алдыдагы күндөрү башкы прокурор Курманкул Зулушев, ички иштер министри Улан Ниязбеков менен биргеликте аймактарды кыдырып, жеринде элдин кайрылууларын угабыз”, - деди Жапаров. Өкмөт башчынын айтымында,... Читать дальше...

Бишкекте коомдук транспорттун жол киресин жогорулатуу планы азыркы тапта каралып жаткан жок. Бул тууралуу 4-июлда АКИpress маалымат агенттигине курган маегинде борбор калаанын Транспорт жана жол-транспорт инфраструктурасын өнүктүрүү департаментинин директору Максат Нусувалиев билдирди. Анын айтымында, бүгүнкү күндө дифференцияланган (ар башка) тариф киргизүү планы караштырылып, анын жол-жобосу боюнча токтом долбоору шаардык кеңештин кароосуна жөнөтүлгөн. Эгер ал кабыл алынса, жүргүнчүлөр жол акысын... Читать дальше...