Юха а ирделла нохч-гIалгIайн дозанца доьзна хаттар
Республикашна юкъахь Фортанга хица йолу меттигаш хьокъехь къовсам эккхар бахьана долуш, юха а карзахдаьккхина нохчийн а, гIалгIайн а дозанца доьзна хаттар
Республикашна юкъахь Фортанга хица йолу меттигаш хьокъехь къовсам эккхар бахьана долуш, юха а карзахдаьккхина нохчийн а, гIалгIайн а дозанца доьзна хаттар
КIира дисина Гуьржийчуьрчу Паьнгазан пхеа вахархочунна тIехь кхел йолон. Уьш бехкебо терроран тобанахь леларна. Стенга кхаьчна, хIун башхаллаш ю бехктакхаман гIуллакхан хаийтина дац я гергарчарна а, я бакъонашларъярхошна а. Бехк беккъа дIа тIекхоьллина хила тарло, аьлла хета царна. Товбецан-беттан 24-хь Гуьржийчоьнан пачхьалкхан кхерамзаллин урхалло Паьнгазан чIажарчу Дуиси а, цунна уллерчу Корети а ярташкахь лийцира меттигера бахархой Мачаликашвили Мохьмад, Цатиашвили Юсуф, Багакашвили Хьамза, Кавтарашвили Рамаз, Маргошвили Рамаз. Читать дальше...
Шина конгрессмена - Теннесси штатерчу демократа Коэн Стивена а, Къилба Каролинерчу республикахочо Уилсон Джос а – резолюцин проект кховдийна Американ Цхьанатоьхначу Штатийн Конгрессан векалийн Чоьне "2024-чу шеран Стигалкъекъа-беттан 7-хь дуьйна шен тIаьххьара президентан даржехь йоккху хан чекхяьлча Оьрсийчоьнан президент Путин Владимир оцу даржехь виса гIертар тIецаэцарх " лаьцна. Конгрессменашна хета Оьрсийчоьнан Конституцина тIехь бина хийцамаш, царах цхьамма бакъо ло Путинна 2024-чу а, 2030-чу а шерашкахь харжамашкахь дакъалаца... Читать дальше...
Беларусин а, Европан мехкийн а дозанашкара кризис маса кхуьуш йогIу: Польше а, Литва а кхача гIертачу мухIажарийн терахь, хаамийн гIирсаша яздарца, деа эзаре кхача тарло, и терахь а десташ догIу. Гуманитаран катастрофа хила хьесап ду, боху бакъонашларъярхоша, политологаша - гибридан тIом. Дуьххьара дац оцу кепара хьал беларусхойн дозанехь нисделла. 2016-чу шарахь Къилбаседа Кавказан регионашкара Европе кхача луучу мигранташа юьзнера Брестан вокзал. ГIалина гергахь даим а лаьттара нохчийн масех бIе доьзал. Читать дальше...
Нохчийчоьнан премьер-министра Хучигов Муслима вовшахтоьхначу Iедалан хIоттам лаьттина цхьа бутт гергга хенахь, ткъа хIинца цигахь юха а бина хийцамаш. Республикан куьйгалхочо Кадыров Рамзана меттигерчу хаамийн гIирсел а хьалхе бина Нохчийчоьнан Iедалехь хиллачу хийцамех лаьцна шен телеграм-каналерчу аккаунтехь. ГIадужу-баттахь премьер-минитран социалан хаттаршкахула когаметта хIоттийна волу, культурин министр хилла Дааев Хож-Бауди – Кадыровн гергарсатаг, ден йишехула – хIинца хIоттийна дешаран а, Iилманан а министр. Читать дальше...
Информацин технологеш (IT) Iамош болчу 53 процент студентийн лаам бу Оьрсийчуьра дIабаха. Иза гойтуш бу Оьрсийчуьрчу тайп-тайпанчу гIаланашкара GeekBrains дешаран платформа лелочу 5 зар сов студентана юкъахь бина таллам, хаам бо РБК-но. ДIабаха луучерах доьалгIачу декъо хаам бина, Американ Цхьаьнатоьхначу Штаташка эмиграци ян лаара шайна аьлла. 7-5 процент респонденташ лууш бу Британе а, Германе а, Канаде а дIабаха, 23 процент – кхечу пачхьалкхашка, ткъа царах кхоалгIачу декъо ца хьахийра пачхьалкх. Читать дальше...
Гуьржийчоьнан хилла президент Саакашвили Михаил дехьаваьккхина реанимаце, набахтин дарбан хIусамехь адвокташца цхьаьнакхеттачу хенахь догмалделла кхетам чуьра ваьллачул тIаьхьа, яздо "Эхо Кавказа" сайто, лор-реаниматолог йолчу Килиптари Гуликона тIе а тевжаш. "Цхьа кIеззиг реанимацин мероприятеш йинчул тIаьхьа цуьнгара хьал меттадеъна", - аьлла цо. Лоьро дийцарехь, карарчу хенахь Саакашвили кхетам чохь ву, жоьпаш луш ву лоьраша лучу хаттаршна. Иза цкъачунна вуьсуш ву дарбан хIусаман реанимацин декъехь. Читать дальше...
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
123ru.net — живые новости в прямом эфире!
В любую минуту Вы можете добавить свою новость мгновенно — здесь.