Новости за 15.10.2021

Нохчийчоьнан информацин министра, республикан куьйгалхочун гIоьнчас Дудаев Ахьмада жоп делла, Кадыров Рамзан Туркойчу "диканна" ца кхаьчнера, бохуш, даьржинчу хабаршна дуьхьал. Кадыров Туркойчухула къайлах лелла, иза ша волчу меттера кхечунхьа дехьаваьлча бен волу меттиг ца хаийтора социалан машанашкахь, бохура Туркойчохь вехачу оппозицин блогера Халитов Хьасана. Блогер харцвеш даренаш далийна шен инстаграмерчу видео чохь Дудаевс. "Шу цигахь дара аьлла, цхьаъ ша волу меттиг лечкъош лелар ву моьтту шуна? Читать дальше...

Нохчийчоьнан куьйгалхочо Кадыров Рамзана доьху юха а Къилбаседа Кавказан мехкийн дозанашкахь лаьтта блокпосташ дIаяхар. Цара нахера ахчанаш доху, зуламхой лоьцуш ца лаьтта, аьлла цо. Цуьнан лаамна тIетевжина регионехь адамийн бакъонаш тергонехь кхобу Нухажиев Нурди, "латто маьIна долуш яц вайн заманахь посташ", дIахьедина цо а. Кеп-кепарчу тIегIанашкахь гIаттош ду Къилбаседа Кавказехь блокпосташ латторах долу къамел. Уьш ялхош Кадыров цхьаьнакхийтира шен заманахь Оьрсийчоьнан Iедалан куьйгаллехь лаьттинчу Медведев Дмитрийца а тIехь. Читать дальше...

Нохчийн оппозицин блогера Халитов Хьасана кхайкхам бина шеца къамел дан вола аьлла, Туркойчохь республикерчу Iедална критика еш болу нах каро аьтто ца белира шен, бохуш дIахьедарш динчу Нохчийчьурчу зорбан министре Дудаев Ахмеде

Нохчийн оппозицин блогера Халитов Хьасана кхайкхам бина шеца къамел дан вола аьлла, Туркойчохь республикерчу Iедална критика еш болу нах каро аьтто ца белира шен, бохуш дIахьедарш динчу Нохчийчьурчу зорбанан министре Дудаев Ахмеде. Туркойчохь вехачу Халитовс видеокхайкхам арахецна YouTube каналехь ГIадужу-беттан 14-хь. Оцу видеохь Халитовс йийцина ша волу меттиг, хаам бина ша Дудаевца цхьаьнакхета кийча хиларх лаьцна, хаам бо Кавказ.Реалиино. "Кху деношкахь цо хабар дийцира, сан цIе а йоккхуш. Читать дальше...

Оьрсийчохь ГIадужу-беттан 15-хь дуьйна доладелла бахархой ларар. Иза хила дезаш дара 2020-чу шарахь, амма кхузза тIахьатеттира пандемия бахьана долуш. Бахархой ларар исторехь дуьххьара хир ду терахьийн технологех пайда оьцуш. Жоьпаш ло электронан кепехь. Коьртачу декъана бахархой ларар дIадерза дезаш ду Лахьан-баттахь 14-чу дийнахь, амма цхьайолчу тIекхача хала долчу меттигашкахь иза дахлур ду 20-чу дене кхаччалц. Ларарехь дакъалаца аьтто хир бу кхаа кепехь, шайна юкъахь пачхьалкхан хьашто кхочушъяран сайта тIехь онлайн кеп а йолуш. Читать дальше...

Германехь Кёльнерчу Iедалша дIахьедина, гIаларчу маьждигийн радиокедех пайда эца бакъо ю аьлла ламазе кхойкхуш. Цуьнах лаьцна хаам бо "Американ аз" зорбан гIирсо

Нохчийчоьнан Iедалан хIоттам "хийцабелла":  99,97% кхаьжнаш а кхочуш, харжамашкахь буьззина толам баьккхинчу Кадыров Рамзана керла министрийн кабинет вовшахтоьхна. Кхин дIоггара хийцамаш цуьнца бацахь а, кхузахь дуьйцург ду, дуккхаъчу шерашкахь мехкан куьйгалхочун гонехь хилла нах дIасахийцарх.    ГIадужу-беттан 7-чохь премьер-министран даржехь тIечIагIвира, кхул хьалха а оцу гIентахь хилла волу Хучиев Муслим. Кадыровца гергарлонехь иза вацахь а, Кавказ.Реалиин хьасташа дийцарехь, Москвахь тIетовжийла ю цуьнан... Читать дальше...

Москварчу метрополитетан ерриг а социйлашкахь ГIадужу-беттан 15-хь дуьйна болх бан йолаелла Face Pay олу мах дIалуш яьххьаш йовзаран система. Цунах лаьцна хаам бо Свобода Радионо. Мэран транспортаца доьзначу хаттаршкахула когаметта волчу Ликсутов Максима дийцарехь, Москва кху дуьнентIехь уггар хьалхара гIала ю оцу тайпа йоккхачу масшбаехь и система болх бан йолаелла йолу. Face Pay — дIасаваха метрох пайда оьцуш мах дIалон цхьа кеп ю. Оцу сервисана тIетасавалар шен лаамехь гIуллакх ду хIоранан а. Читать дальше...

Иттаннаш эзарнаша наха дакъа а лоцуш, митинг хилла еарийн сарахь Тбилисехь, Руставерчу набахтехь латтош волу Гуьржийчоьнан экс-президент Саакашвили Михаил маьршаваккха бохуш. Цунах лаьцна хаам бина "Новости-Грузия" аненталло.

Москвахь бакъонашларъян "Мемориал" центран офисна (арахьара агент лаьрра ю Оьрсийчоьнан Iедалша) тIелатар дина иттаннаш наха. Инцидент хилла еарин сарахь ХIолланд Агнешкин "Гарет Джонс"  цIе йолч фильм гойтучу хенахь. Цуьнга хьажар вовшахтоьнера "Мемориала"Польшин культуран центрца цхьаьна. Свобода Радионе "Мемориалехь" дийцина ма хиллара, фильм дIайолаелла иттех минот ялале зал чулилхина туьтмIаьжгаш йоьхкина адамаш, массо охьа вижа, бохуш, маьхьарий а детташ. Дукхаха болу хьажархой кхерабелла хилла... Читать дальше...

Иттаннаш эзарнаша наха дакъа а лоцуш, митинг хилла еарийн сарахь  Тбилисехь, Руставерчу набахтехь латтош волу Гуьржийчоьнан экс-президент Саакашвили Михаил маьршаваккха бохуш. Цунах лаьцна хаам бина "Новости-Грузия" аненталло. Агенталло ларарехь, оцу акцехь дакъалаьцна 50 эзар гергга стага. "Коммерсанта" вагарвина  20-30 эзар стаг. DW-но (Немцойн тулгIе) яздо, Маршонан майда адамех юьзна хилла хиларх лаьцна. Митинган декъашхойх буьзна бара иштта Руставелин цIарах проспект а. Саакашвилин фейсбукерчу агIонехь онлайн рожехь гойтуш яра и акци. Читать дальше...