Новости за 07.07.2021

Шинарин дийнахь Берлинерчу Казахстанан векалаллина хьалха пикет дIаяьхьна Германехь бехачу нохчаша, Казахстанехь лецначу шайн махкахошна а, гIалгIашна а тIехь латтош долу Iазап сацаде аьлла. Лецначийн гергарчара дIахьедо, доцу бехкаш тIелаца бохуш, Iедалхоша ницкъбо царна аьлла

Нохчийчоьнан куьйгалхочун критикна Магомадов Сайд-Хьусайнна вен Iалашонца дан гIоьртина тIелатар юкъахдаьккхина Австрин къайлахчу сервисаша. Нохчийн оппозицин IАДАТ телеграм-канало бина и хаам, шайга хаийтинчу хьостан цIе а ца йоккхуш. Хьалххе дийцарехь, цунна кIело кечъеш вара аьллачу шеконашца шиъ лецира, цу шиннех цхьаъ Нохчийчуьра хиллера. Кавказ.Реалиин Австрерчу хьостано бакъ бо и хаамаш, и шиъ Мангал-баттахь лаьцна хилар билгалдоккхуш. Официалехь информаци тIечIагйина яц. Австрехь вехаш... Читать дальше...

Къайлахчу сервисаша хаам бина Пензехь а, Уфахь а, Челябинскехь а 15 стаг лацарх, Оьрсийчохь йихкинчу террорхойн "Хизб-ут Тахрир" тобан декъахь хилла ву аьллачу шеконашца. ФСБ-н сайта тIехь бина и хаам. Хаамехь чIагIдо, Мангал-бутт бовш а, карарчу беттан юьххьехь а оцу гIаланашкахь "Хизб ут-Тахрир" тобан къайлах лела диъ гара хIаллакдина хиларх. ФСБ-н белхахой хьоьвсина лецначийн хIусамех, дIаяьхьна шайца техника а, зорба тоьхна материалаш а. Къайлахчу сервисийн версица, лецначу Оьрсийчоьнан а... Читать дальше...

Бисултанов Апти Олхазаре са хаддалц кхайкха хьо хIай маьрша олхазар ва дийна хиларан жоп Деле доьхуш тIам хаддалц кхерста хьо хIай маса олхазар вай дегнийн баланаш тиен меттиг лоьхуш вай вовшех кхаьрдича нийсдала мегачу гIуллакхан ойлаяр дита ахь суна вай вовшех къаьстича мага ца мегачу ойланна доладар дита ахь суна цу Далла хастамбеш тIома ца кхолларна тIам акха ца волуш вуьсучу суна цу Далла хастамбеш Нохчийчохь кхолларна ког акха ца волуш вуьсучу суна цу Далла хастамбеш дилха... Читать дальше...

Адыгей, Дагестан, ГIебарта-Балкхаройчоь, Къилбаседа ХIирийчоь тIаьххьарчу меттигашкахь ю вакцинаци ярца Оьрсийчохь.  Ткъа ша Оьрсийчоь дуьненал дуккха а тIаьхьа юьсу уьнна дуьхьал мехий деттарца. Бакъду, массарел хьалха дIахьедира цо ша вакцина кхоьллина аьлла. Мангал-беттан тIаьххьарчу денойн хаамаша бахарехь, Дагестанехь коронавирусна дуьхьал дуьххьара вакцина тохийтина нах бац 5% а, ткъа шозлагIа мехий тоьхнарш ца кхочу 0,6% бен. ГIебарта-Балкхаройчохь вакцинаци йина 7,5% бахархошна, процедурах шозлагIа а чекхбевлларш бу царалахь 4,5%. Читать дальше...

Европерчу адамийн бакъонашкахула йолчу кхело 40 зар евро дала декхарийлахь йина Оьрсийчоь Соьлжа-ГIаларчу вахархочунна Абдулханов Ризванна. 2006-чу шарахь ялх чов йинера цунна, леррина операци дIахьуш герз тоьхна, ткъа цул тIаьхьа чувоьллира иза. Европерчу адамийн бакъонашкахула йолчу кхело сацам бина: Оьрсийчоьно йохийна Абдулхановн ваха йолу бакъо а, адаманна ницкъ бан магош доцу низам а

Дахначу шинарин дийнахь Берлинерчу Казахстанан векалаллина хьалха пикет дIаяьхьна Германехь бехачу нохчаша. Цуьнан декъашхоша дIакхайкхийра, Казахстанехь лецначу нохчашна а, гIалг1ашна а шаьш тIехIуьттуш хилар, хаам бо Кавказ.Реалиино. Акцин декъашхошлахь бара Нохчийчуьра схьаваьллачу Казахстанан вахархочун, 51 шо долчу Джамалдиев Расулан гергарнаш а цхьана. Хьалхо цуьнан хIусамнанас а, Казахстанан къайлахчу сервисашкарчу хьостано а дийцира Кавказ.Реалиина къоман кхерамзаллин Комитетан департаментан... Читать дальше...

ТIаьххьарчу дийнахь-буса Къилбаседа Кавказехь COVID-19 уьнах велла 48 пациент, кхин тIе цомгаш хилла – 899. Iедалхойн хаамашца, Краснодаран кIоштахь кхелхина 22 стаг, Ставропол-махкахь – ворхI, Дагестанехь – пхиъ, ГIебарта-Балкхаройчохь а, Кхарачой-Чергазийчохь а, Къилбаседа ХIирийчохь а, Нохчийчохь а, Адыгейхь а – кхоккха, ГIалмакхойчохь – цхьаъ. Верриг а Къилбаседа Кавказехь пандеми яьржичхьана велла COVID-19 вирусах вахархо 11 616 Къаьстина дукха бу ун даьлларш тIаьххьарчу 24 сахьтехь  Краснодаран кIоштахь... Читать дальше...

Нохчийчоьнца лаьттачу дозанех кхолладелла хеттарш дийцаредан тахана, Товбеца-беттан 7-чохь, кхеташо дIаяхьа билгалъяьккхинчу хIусамах йоьллина бомба ю аьлла, хаам кхаьчча ГIалгIайчуьрчу Несарара гIишло гоне ерзийна хилла. «Центр КАМАЗ олучу кIоштарчу Муталиевн урамера территори юкъаерзийнера. Цигахь махкарчу тайпанийн кхеташонан цхьанакхетар дара дIадахьа лерина, ГIалгIайчоьнан а, Нохчийчоьнан а дозанаш билгалдахарехула долчу хеттаршна лерина къаьмнийн комиссин рапорт йийцареян Iалашонца», - хаам бина «Интерфакс-Юг» агенталле... Читать дальше...

Гергарчара бертаза маре дIаяла хьийзича, едда Швеце дIаяхна 18 шо долу Дагестанера йоI республикан Буйнакскан кIоштарчу Талламан комитетан декъе тIекхайкхина. «Открытые медиа» гIирсо бина и хаам, "Правовая инициатива" (Оьрсийчоьнан Iедало арахьарчу агентийн тептара яьккхина, амма "Правовая инициатива" реза ца хилла и статус тIеэца – Редакцин билгалдаккхар.)проектан адвокатна Гнездилова Ольгина тIетевжина. Хаамийн гIирсо зорбане даьккхинчу кехата тIехь яздина ду, карарчу беттан 6-чохь суьйранна диъ сахьт долучу заманчохь К. Читать дальше...

Джумаев Сайд-Мухьаммад кхелехь

Президента Джо Байден дIахьедина шинарин дийнахь, зен дон программех пайда а оьцуш, Kaseya технологин компанина динчу кибер-тIелатаро, гарехь, кIеззиг зен дина Америкерчу биpнесна аьлла. Цунах лаьцна яздо "Американ аз" зорбан гIирсо. "Гарехь, цо кIеззиг бен зен ца дина Америкерчу бизнесна, амма тхо хIинца а информаци лахьош ду", - аьлла Байдена журналисташка, шен хьехамчашца цхьаьнакхеттачул тIаьхьа. ДIадаханчу пIераскана дийнахь динчу тIелатаро аьтто бира хакерийн интернетехь дерриг дуьнентIехь... Читать дальше...