Новости за 31.03.2021

Израилан кхерамзаллин кхеташоно шайн пачхьалкхерчу бахархошна кхераме ду Нохчийчу баха, цигахь царна террорах кхерамзалла яц аьлла бина сацам ца тайна Нохчийчоьнан куьйгалхочунна Кадыров Рамзанна. Цо хьоьху Израилна "цхьаьннан кийтарлонех цатешар", ткъа кхерамзаллин кхеташоне доьху "боцуш болу нохчийн террористаш" а буьйцуш, халкъ кхера цадар. Оцу хьокъехь Кадыровс яздина шен телеграм-каналехь. Цо бохург меттигерчу телеканалехула тIечIагIдина Нохчийчуьрчу жуьгтийн диаспорин лидеро Юнаев Моисейс а. Читать дальше...

Нохчийчоьнан куьйгалхо а, цуьнан гергарнаш а - мехкан некъан инспекцин буьйранча Черхигов Идрис, кхиберш – бу телевиденин программа лелорхочо, эшаршлакхархочо Бузова Ольгас шен инстаграм-аккаунтехь машен къовсучу рекламе баьхна. Социалан машанерчу церан аккаунте язбала кхойкху нах, кхоже йиллина BMW машен. Къовсамехь дакъалоцучарна язбала кховдийначу 134 инстаграм-аккаунташлахь ю, масала, дукха хан йоццуш Кадыровс Швецера Нохчийчу дIавигинчу, "Ахмат" клубе дIахIоттийначу UFC-латархочун Чимаев Хьамзатан аккаунт а. Читать дальше...

Цхьанатоьхначу Штатийн Пачхьалкхан департамент: Нохчийчоь Оьрсийчуьрчу Iедалан тергонера яьлла; Европан адамийн бакъонехула кхело Оьрсийчоь декхарейина Дагестанехь вийначу шина вешин дена 120 000 евро дала; Украинехь кхело тIечIачIбина гIебартойн ММА-н латархо Оьрсийчоьне дIавала бина сацам

Италин арахьарчу гIуллакхийн министра Ди Майо Луиджис дIахьедина, ша Оьрсийчоьнан векалга Разов Сергейга хаийтина хилар Оьрсийчоьнан дипломатийн миссин юкъара ши белхахо аравоккхуш хиларх лаьцна. Цунах лаьцна хаам бо "Американ аз" зорбан гIирсо. Хьалхо Оьрсийчоьнан векалалло бакъдира Римехь Оьрсийчоьнан тIеман атташен аппаратера стаг лацар, хилларг шаьш къастош хилар а хоуьйтуш. Зазадоккху-беттан 31-хь хиира Римерчу векалаллехь болх беш волу оьрсийн эпсар а, Италин ХIордан тIеман ницкъийн капитан а лаьцна хилар... Читать дальше...

18 миллион соьмана эцна Mercedes-Benz машенаш совгIатна елла Нохчийчоьнан куьйгалхочо кхаа спортхочунна. Цо бахарехь, совгIаташ эца ахча делла Кадыров Ахьмадан цIархчу Фондо. Белхалойн алапашна тIера лаамза дIагулдечу ахчанашца юзуш ю Фонд аьлла, масийттазза яздира хаамийн гIирсашкахь.

Американ Цхьаьнатоьхначу Штатийн Пачхьалкхан департаменто ша шарахь цкъа арахьарчу мехкашкахь адамийн бакъонашца долу хьал довзуьйту артикл арахецна. Оьрсийчоьнах лаьцна ю 72 агIо, 48-зза хьахийна Нохчийчоь. Вашингтоно билгалдоккху федералан Iедало республикерчу куьйгалхойн гIуллакхашна тIехь ен терго ледара хилар. 2020-чу шарахь Нохчийчохь низамаш талхор гойтуш, Пачхьалкхан департаменто довзуьйту, кхеле девнаш а кхачонза, наханна тIехь дина таIзарш, ЛГБТ-н могIаршкара нах хьийзор, журналисташна тIейаткъамаш бар... Читать дальше...

ВидеозIенехула къамелаш хилла Оьрсийчоьнан президентан Путин Владимиран Германин канцлерца Меркель Ангелица а, Францин президентца Макрон Эммануэльца а. Къамелехь Германин а, Францин а лидерша кхайкхам бина Путин Владимире шен политикан оппонентан-оппозиционеран Навальный Алексейн могашалла гал цаялийтар. Оцу хьокъехь хаам бина Францин президентан пресс-векалто. "Партнерашца айдинчу хаттарца доьзна, долчу хьолах лаьцна оьшшу информаци елла", — боху Кремлерчу хаамо. Хилла къамел ма-дарра довзуьйтуш дац. Читать дальше...

Римехь хIордан ницкъийн капитан лаьцна Оьрсийчоьнехьа цо шпионалла лелорах йолчу шеконца. Инарла штабехь болх беш хилла иза, къайлахчу информацина тIекхочийла а долуш. Цуьнца цхьаьна лаьцна Оьрсийчоьнан эскархо а, цуьнан дипломатин статус зуьйш ю карарчу хенахь. Оцу хьокъехь хаам баржийна La Repubblica газето. Лецарш нисделла италхочо Оьрсийчуьрчуьнга къайленийн кехаташ дIаделча. Капитан тIекхочийла долуш хилла Италин эскарийн а, хIордан ницкъийн а, НАТО-н белхан а информацина. la Repubblica газето бахарехь прецедент йоцу хилам бу иза ... Читать дальше...

Украинерчу Чернигов-мехкан аппеляцин кхело тIечIагIбина хьалхарчу инстанцино Инарла прокуратурин дехарца ийначу латаршкахь дакъалоцуш волу гIебарто, 38 шо долу Ширухов Адам Оьрсийчу юхахьажо бина сацам. Хьалхо билгалделира Украинан прокуратуро цунна экстрадици Оьрсийчоьнан прокуратурин дехарца еш хилар. Хаамо бохура, чоьхьарчу гIуллакхийн министраллин ГIебарта-Балкхаройчоьнан урхалло Шируховна дуьхьал бехктакхам айбина цо "арахьарчу пачхьалкхан территори тIерачу тIеман тобанехь дакъалацарна". Оьрсийчоьно тIекарло ечу... Читать дальше...

Европан адамийн бакънашкахула йолчу кхело (ECHR) Оьрсийчоь декхарейина 120 эзар евро дала (10 миллион сов сом) Дагестанехь вийначу шина вешин-жаIуйн ГасангусейновгIеран дена. Уьш байъира 2016-чу шарахь, полисхоша даржийра, шаьш террорхой хIаллакбина аьлла, амма гергарчара кхелехула юхаяккхийтира и ирча цIе - реабилитаци яйтира. ХIинца цара тIедожадо Iедална кегий нах байъинарш кхеле озор. Европан адамийн бакъонашкахула йолчу кхелан сацамо билгалдоккху Оьрсийчоьнан Iедало шина вешин ваха йолу бакъо йохийна хилар. Читать дальше...

Израилан кхерамазаллин кхеташоно юкъатоьхна Нохчийчоь шайн махкахошна терроран кхерам болчу меттигашна хаам бо Радио Свободано. ХIора шарахь карладоккху арахецначу карти тIехь Нохчийн республика гайтина ю "вуно лакхара баккъалла а кхераме" йолу регион санна. Иштта хаам беш бу Израилан террорна дуьхьал йолчу бюроно махкахошна хьехар дина хиларх лаьцна, оцу регионе а, ткъа иштта Нохчийчоьнан а, Гуьржийчоьнан а шина а агIор дозанца йолчу меттигашка а баха оьшуш дац аьлла.   Цу хаамна дуьхала... Читать дальше...