Бокуна аштрафавалі і адпусцілі, Кавалькова знаходзіцца ў ІЧУ на Акрэсціна, дзе Дылеўскі – невядома
24 жніўня ля прахадной МТЗ затрымалі чальцоў Каардынацыйнай рады Вольгу Кавалькову і Сяргея Дылеўскага. Увечары стала вядома, што Кавалькова знаходзіцца ў ІЧУ на Акрэсціна, дзе Дылеўскі дагэтуль невядома. Затрыманага раніцай сустаршыню страйкаму «Беларуськалія» Анатоля Бокуна аштрафавалі.
Як паведамляе телеграм-канал «Краіна для жыцця», з відэа, якое было знята падчас затрымання Кавалькова і Дылеўскага, вынікае, што затрыманне, мабыць, праводзіў намеснік начальніка міліцыі грамадскай бяспекі РУУС Партызанскага раёна Менска Аляксандр Блізнюк.
– У Партызанскім РУУС не пацвердзілі знаходжанне затрыманых і паведамілі, што затрыманыя ў судзе Заводскага раёна Менска, у судзе Заводскага раёна не пацвердзілі знаходжанне затрыманых і сказалі, што не валодаюць звесткамі пра іх месцазнаходжанне. Па тэлефоне 102 сказалі, што затрыманы Сяргей Дылеўскі ў ІЧУ на Акрэсціна. У ІЧУ на Акрэсціна гэтую інфармацыю не пацвердзілі, – паведаміў «Краіна для жыцця».
Пазней у Каардынацыйнай радзе TUT.BY паведамілі, што Вольга Кавалькова знаходзіцца ў ІЧУ на Акрэсціна. Аб месцазнаходжанні Сяргея Дылеўскага інфармацыі няма.