Real Madrid Mbappe ilə ”gözləmə oyunu” oynayır

ONBİR Marca saytına istinadən xəbər verir ki, 2017-ci ildə Madridin Real klubu €160 milyona Mbappe`ni transfer etməyə çox yaxın idi, amma PSG və Emery`nin təkidi ilə bu keçid baş tutmamışd və əvəzində futbolçu €180 milyona parislilərin heyətinə qoşuldu. O gündən bu günə kimi futbolçuyla maraqlanan klubların siyahısı yetərincə çoxdur və yenə də əsas yerdə Los Blancos qərarlaşıb.

Monaco`nun sabit Vitse-prezidenti Vadim Vasilyev öz müsahibəsində məhz futbolçunun “Real Madrid məni gözləyəcək” sözlərini ifadə etdiyini söyləməsi “Los Merengues“ə daha da şans verib.

Real Madrid hazırda gözləyir ki, futbolçu PSG ilə hazırkı müqaviləsini artırmasın, çünki onun müqaviləsi 2022-ci ildə bitir və “Kral” klubu 2020-ci ilin yay transfer pəncərəsində onu transfer etmək istəyir. Əgər PSG futbolçunun müqaviləsini yeniləyə bilməsə və onu yay transfer pəncərəsində satmaqdan imtina etsə, o zaman futbolçunun transfer dəyəri yetərincə aşağı düşəcək ki, bu da PSG üçün heç cür sərf etmir. Hazırda parislilərin planı futbolçuya illik €40 milyon dəyərində məvacib təklif etməkdir və digər hər bir şey Mbappe`nin özündən asılıdır.