4,1 milyard nəfərin interneti var
BMT agentliyi olan Beynəlxalq Telekommunikasiya Birliyi noyabrın 5-də bildirib ki, ötən illə müqayisədə internetə qoşulanların sayı 5,3 faiz artıb.
Bu il internet dünya əhalisinin 53,6 faizini əhatələyib ki, bu, 2009-cu ildəkindən 25,8 faiz yüksəkdir.
Avropada internet istifadəçilərinin sayı 82,5 faiz, Afrikada isə 28,2 faizdir.
Dünyada 3,6 milyard nəfərin internetə çıxışı yoxdur və onların əksəriyyəti az inkişaf etmiş ölkələrdə yaşayır. Həmin ölkələrdə hər 10 nəfərdən yalnız ikisinin interneti var.
Qlobal səviyyədə qadınların 48, kişilərin isə 58 faizi internetdən istifadə edir.
MDB ölkələrində rəqəmsal gender uyğunsuzluğunun azaldığı, Afrika, ərəb ölkələri, Asiya-Sakit okean regionunda isə artdığı bildirilir.