‘Sənaye meşələri’ salınacaq
Bunu Ekologiya və Təbii Sərvətlər Nazirliyindən ( ETSN) bildiriblər.
Nazirlikdən deyiblər ki, bu tip meşələrin salınması məqsədli olur.
Qurumdan qeyd edildiyinə görə, elə ağac növləri var ki, sürətlə inkişaf etdiyindən onlardan sənayedə yararlanmaq mümkün olur.
Nazirlikdən tövsiyə edirlər ki, iş adamları sənaye məqsədli meşələr salaraq, oradakı ağacların hesabına lazımı tələbatlarını ödəsinlər.
ETSN-dən hesab edirlər ki, belə meşələrin salınması təbii meşələrə müdaxilələri azaldar.
Azərbaycanda sənaye istiqamətli meşələrin bu il ərzində salınmağa başlanacağı nəzərəd tutulur.