Новости за 07.08.2021

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 22974-ҩык ыҟоуп, ргәы бзиахеит 18265-ҩык, рыԥсҭазаара иалҵит 326-ҩык.

Асабша нанҳәа 7 рзы Аахыҵ Уаԥстәыла имҩаԥысуеит ақырҭуа агрессиаан иҭахаз ауааԥсыра ргәалашәара иазку аусмҩаԥгатәқәа.

Тамшь ақыҭа ахада Вадим Занҭариа арадио Sputnik аефир аҿы еиҭеиҳәеит ақыҭаҿы аус зуа атуристтә комплекс аартра анхацәа ишырныԥшыз атәы.

Риҵатәи амилаҭтә реликттә парк еиҿкаан Риҵатәи аҳәырԥссара ашьаҭала жьҭаарамза 1996 шықәсазы.

Еицырдыруа аԥсуа етнолог, аҭоурыхтә ҭҵаарадыррақәа ркандидат, Аԥсуаҭҵааратә институт аҭҵаарадырратә усзуҩ нага, Ӡиӡариа ихьӡ зху Аҳәынҭқарратә премиа алауреат Елена Малиаԥҳа 87 шықәса лхыҵуан.

Мшаԥымзазы Гагра иаатит Аԥсны Аџьынџьтәылатәи еибашьра 1992-1993 шш. аинвалидцәа ибиуџьеттәым рфонд араионтә ҟәша. Ари аиҿкаара ахықәки, инарыгӡаз ауснагӡатәқәеи ртәы еиҭеиҳәеит афонд Гагратәи араионтә ҟәша анапхгаҩы, Леон иорден занашьоу Робик Оҭырба.

Аахыҵ Уаԥстәыла аҳҭнықалақь Цхьынвал имҩаԥысит Аԥсни Аахыҵ Уаԥстәылеи рхадацәа Анатоли Бибилови Аслан Бжьаниеи реиԥылара.

Аҵареи абызшәатә политикеи рминистр Инал Габлиа арадио Sputnik иаиҭаз аинтервиу аҿы еиҭеиҳәеит апандемиа аамҭаз аҵара аминистрра аҵарашықәс ҿыц алагара иахьынӡазыхиоу атәы.

Аԥсны ахада официалла раԥхьаӡа акәны Цхьынвал даҭааит нанҳәа 6 азы, 2008 шықәсазтәи ахҭысқәа 13 шықәса рхыҵра иазку Аахыҵ Уаԥстәыла имҩаԥысуа ауснагӡатәқәа рылахәхаразы.

Цхьынвал имҩаԥысуеит Аԥсни Аахыҵ Уаԥстәылеи рделегациақәа реиԥылара. Аԥсуа делегациа Аахыҵ Уаԥстәыла иаҭааит 2008 шықәсатәи ахҭысқәа 13 шықәса рхыҵра иазкны имҩаԥысуа ауснагӡатәқәа рылахәхаразы.

Жьҭаара 17, 1996 шықәса рзы, 1930 шықәсазы иаԥырҵаз Риҵатәи аҳәырԥсарра шьаҭас иаҭаны, иаԥҵан Амилаҭтә парк. Риҵатәи аҳәырԥсарра ахи-аҵыхәеи 36 гектар ыҟоуп.

Абыржәтәи аамҭазы аԥсуа делегациеи Аахыҵ Уаԥстәыла анапхгареи инеиҵыху реиԥылара амҩаԥысра иаҿуп.

Аслан Бжьаниа зхадараҿы дыҟоу аԥснытәи аделегациа нанҳәа 6 рзы Аахыҵ Уаԥстәыла инеит 2008 шықәсатәи ахҭысқәа 13 шықәса рхыҵра иазку Аахыҵ Уаԥстәыла имҩаԥысуа ауснагӡатәқәа рылахәхаразы.

Нанҳәа 6 рзы излазгәаҭоу ала, аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 22888-ҩык ыҟоуп, ргәы бзиахеит 18205-ҩык, рыԥсҭазаара иалҵит 326-ҩык.

Аԥсны зҽаԥсазтәыз ажурналист Енвер Арџьениа арадио Sputnik аефир аҿы иҳәеит шықәсырацәа аус ицызуаз, аиҩызара ицныҟәызгоз Оҭар Лакрба иҟам аамҭала ихцәажәара шицәыуадаҩу.

Аҟәа амҩақәа рҟны амашьынаныҟәара аҽахьеиҭанакыз азы уи атәы зҳәо амҩатә дыргақәа дыргылоит.

Петрозаводск иргылаз аԥсуа еибашьыгатә шхәа аӡиа Риҵа ихырҵеит нанҳәа 5 рзы.

Аԥсны анапхгареи Агәабзиарахьчара аминистрреи ирылшеит Урыстәылатәи Афедерациа ареспубликахь COVID-19 аҟынтәи алаҵа аарышьҭратәы аҟаҵара.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 22888-ҩык ыҟоуп, ргәы бзиахеит 18205-ҩык, рыԥсҭазаара иалҵит 326-ҩык.