Фатих Кәрими каклаган каз яраткан?
Фатих Кәрими музеенда “Кәримовларның яраткан ризыклары” дип аталган күргәзмә оештырылды.
Костюмлы чарада балаларга борынгы көнкүреш әйберләре, хуҗалык кирәк-яраклары турында сөйләделәр. Шулай ук татар халык милли ашлары турында да мәгълүмат җиткерелде. Фатих Кәрими үзе заманында бөтен Ауропаны йөреп чыккан булган. Нинди генә ашлар, ризыклар тәмләп карамагандыр, әмма ул өстенлекне татар ашларына биргән. Әнисе Мәгъсүмә абыстай балаларын сыйларга яраткан, өстәленнән бәлеш, кыстыбый, чәк-чәк, каклаган каз, кул токмачы белән шулпаны һәм башка сыйларны өзмәгән.