Чаллы молдаван «эшмәкәрләрдән» зыян күрә
Яр Чаллыда яшәүчеләрне Молдавиядән килгән кырыгалдарлар зур суммаларга алдый.
Чаллы полициясенә молдаваннардан зыян күргән кешеләр мөрәҗәгать итә: барлык очракларда да яхшы киенгән ир-егетләр үзләрен Молдавия эшмәкәрләре итеп танытып, эре партия шәрабны таможнядан үткәрү өчен бурычка акча биреп торуларын сорыйлар. Аңа алмашка Молдавия акчалары һәм алтын бизәнү әйберләре калдыралар. Әмма алар барысы да ялган булып чыга. Шулай итеп, аферистлар ике ир-аттан 300 әр мең сум ала, ә бер хатын-кыз фатир саткан акчасын – миллион сумын аларга бирә. Уяу булыгыз!