Түбән Новгородта IV татар яшьләре форумы башланды
Түбән Новгородта IV «НижгарФорум» татар яшьләре форумы башланып китте. Чара төрле төбәкләрдән килгән, әмма тамырлары һәм тарихы уртак булган яшьләрне берләштерә торган мәйданчык булып тора. Бу хакта Түбән Новгород татарлары автономиясе ВКонтакте социаль челтәрендәге төркемендә хәбәр итә.
Шәһәргә бөтен Россиядән татар яшьләре җыелган. Катнашучыларны бай эчтәлекле программа, яңа танышулар, идеяләр һәм Түбән Новгород татарларының яшьләр хәрәкәтен башлап җибәрү эше көтә. Бүген төрле төбәкләрдән килгән кунаклар Түбән Новгородның истәлекле татар урыннары белән таныша.
Түбән Новгород бу көннәрдә бөтен илдән җыелган татар яшьләрен җәлеп итү ноктасы булачак, ди оештыручылар.