“Борнмут” клубининг янги юлдузи Европа клубларини ҳайратлантирмоқда...

“Борнмут”нинг ажойиб топилмаси – 19 ёшли футболчи Райан ҳозирда Европанинг энг кучли клублари диққат марказида.

TEAMtalk маълумотига кўра, бразилиялик ёш ҳужумчининг ноёб ва сирли истеъдоди “Реал Мадрид”, “Пари Сен-Жермен”, “Ливерпуль” ва “Манчестер Юнайтед” каби қудратли жамоаларнинг скаутларини жиддий қизиқтириб қўйди. Махсус кузатувчиларнинг таъкидлашича, улар Райаннинг майдондаги ҳаракатларидан “чуқур таассурот олган”.

Райан январь ойида Бразилиянинг “Васко да Гама” клубидан Англия Премьер-лигасида ўйнаш учун “Борнмут”га кўчиб ўтди.

“Борнмут”нинг асосий ҳужумчиси Антуан Семеньо 2026 йил бошида "Манчестер Сити"га ўтиб кетганилан сўнг Райан янги жамоасида тезда ўзини кўрсатди ва клубнинг эътиборли ҳамда кўзга кўринган футболчилари рўйхатига кирди.

Маълум қилинишича, унинг шартномасида тахминан 100 миллион еврога сотиб олиш имконини берувчи махсус банд мавжуд. Ҳозирда Transfermarkt портали Райанни 40 миллион евро деб баҳоламоқда.

Ёш футболчи ўзининг ажойиб ҳаракатлари ва майдондаги таъсирли ўйини билан мухлисларни қувонтиради ҳамда Европа клублари ўртасида сўзсиз диққат марказига айланмоқда.