Мбаппе "Реал Мадрид" босимига қандай жавоб қайтарди?

Килиан Мбаппе «Реал Мадрид»да дуч келаётган танқидлардан ҳайратда эмаслигини айтди ва клубнинг энг буюк афсоналаридан айримлари ҳам мухлислар ҳамда ОАВ томонидан қаттиқ баҳоланганини таъкидлади. El Chiringuito TF1га таяниб келтирган сўзларига кўра, француз ҳужумчи Криштиану Роналду ва Альфредо Ди Стефано каби футболчилар ҳам танқид қилинганини айтди, шу сабабли у ўзи учун алоҳида муносабат кутмаслиги кераклигини билдирди.

Мбаппе яна қўшимча қилишича, Испания мухлислири жуда ҳиссиётли бўлади ва кўпчилик учун «Реал Мадрид»га мухлислик қилиш деярли дин билан тенгдир. Унинг бу фикрлари Мадрид жамоасидаги кучли илк мавсумига қарамай, унинг ўйинлари атрофидаги муҳокамалар давом этаётган бир пайтда янгради.

Ҳужумчи 2024 йил ёзидан бери «Реал Мадрид» сафида ўйнамоқда. Жорий мавсумда у барча мусобақаларда 35 та учрашув ўтказиб, 38 та гол урди ва 6 та голли узатма берди. Унинг клуб билан амалдаги шартномаси 2029 йил ёзигача амал қилади. Transfermarkt маълумотига кўра, Мбаппенинг бозор қиймати 200 миллион еврога баҳоланмоқда.