Голикова: 2025 елда шикәр чире буенча күрсәткечләр борчу уята
2025 ел нәтиҗәләре буенча шикәр чире белән авыручыларның артуы җитди борчу уята, дип белдерде РФ вице-премьеры Татьяна Голикова Кулланучыларның хокукларын яклау һәм кеше иминлеге өлкәсендә күзәтчелек федераль хезмәте (Роспотребнадзор) коллегиясенең киңәйтелгән утырышында. Бу хакта РИА Новости агентлыгы хәбәр итә.
«Авыру эпидемиягә әверелү куркынычы белән яный. Һәм 2025 ел нәтиҗәләре буенча теркәлгән күрсәткечләр бездә җитди борчу уята», – диде ул.
Голикова билгеләп үткәнчә, проблеманың шактый өлеше халыкның туклану гадәтләре белән бәйле.