Россия Герое Александр Лапин суворовчылар белән аралашты
Бүген Россия Герое, генерал-полковник Александр Лапин Казан Суворов хәрби училищесы курсантлары каршында лекция укыды.
Лекциянең темасы ватанпәрвәрлек һәм хәрби хезмәт, илебез тарихы һәм ата-бабаларыбызның батырлыкларына багышланган иде. Герой белән әңгәмәдә IX, X, XI сыйныф укучылары, барлыгы 250 курсант катнашты. Лекциядән соң алар генерал-полковникка үзләрен кызыксындырган сораулар бирде.
«Үзеңне Ватанны саклауга бүген үк әзерләргә кирәк, ә офицер погоннарын таккач түгел», - диде Россия Герое.
Киләчәк Ватан сакчылары илне, диннәрен, үз җирләрен һәм милли гореф-гадәтләрен сакларга әзер булырга тиеш, дип искәртте ул.
Фото: © «Татар-информ», Елена Фенина
«Мин аларга рухи мәгънәләрне, сугыш һәм тынычлык мәсьәләләрен дә, офицерга нәрсә өчен яшәргә, нинди кыйммәтләр хакына гомереңне корбан итәргә кирәклеген дә җиткерергә телим», - дип билгеләп үтте Александр Лапин.
Лекция вакытында Россия Герое Ватанны саклаганда батырлыклар кылган кешеләр турында сөйләде.