«Кремонезе» мураббийи: ютқазишни ҳеч ким ёқтирмайди, деди
Италия А Сериясининг навбатдаги турида «Рома» ўз майдонида «Кремонезе»ни йирик ҳисобда мағлуб этди. Давиде Никола бошқарувидаги жамоа дарвозасига жавобсиз учта гол ўтказиб юборди. Бу ҳақда euro-football.ru хабар беради.
Учрашувдан кейин меҳмонлар устози омадсиз ўйин бўйича фикр билдирди. Унинг таъкидлашича, жамоа фақат биринчи 60 дақиқада тартибли ва интизомли ҳаракат қила олган, шундан сўнг ўйин манзараси кескин ўзгарган.
«Мағлуб бўлганингда саволлар доим бўлади, ютқазишни ҳеч ким ёқтирмайди. Дастлабки 60 дақиқада биз жуда уюшган эдик, яхши спорт руҳи билан ўйнадик. Кейин ҳаммаси бошқача кетди. Шунга қарамай, менимча, биз «Кремонезе» ҳурматга лойиқ эканини кўрсатдик. Очко йиғиш эса ҳар доим осон бўлмаган», — деди Никола forzaroma.info нашрига.
Ушбу натижадан сўнг «Кремонезе» А Серия турнир жадвалида 16-ўринга тушиб кетди.