Гарри Кейн «Барселона» билан миш-мишларга муносабат билдирди
«Бавария» ҳужумчиси Гарри Кейн унинг «Барселона»га эҳтимолий кўчиши ҳақидаги гап-сўзларга изоҳ берди. Бу ҳақда euro-football.ru хабар беради.
Каталонияликлар раҳбари Хавьер Вилахоана яқинда инглиз футболчиси бўйича музокаралар бўлаётгани ҳақида сигнал берганди.
Кейн эса бу борада ўзида аниқ маълумот йўқлигини айтди: «Мен бу ҳақда ҳеч нарса эшитмадим. Бундай масалалар билан отам ва акам шуғланади, аммо улар ҳам менга ҳеч нарса демади. Мен бу ерда, “Бавария”да бахтлиман ва ҳозирги клубимга тўлиқ эътибор қаратганман. Шунга қарамай, бу гапларни комплимент сифатида қабул қиламан», — деди у Sky Sport’га.
32 ёшли форварднинг Мюнхен клуби билан шартномаси 2027 йилгача мўлжалланган. Миш-мишларга кўра, «Барселона» Кейнни Роберт Левандовскига муносиб ворис сифатида кўрмоқда.