Макаровнинг агенти футболчининг соғлиғи ҳақида маълумот берди
Қанот ҳужумчиси Денис Макаровнинг манфаатларини ҳимоя қилувчи агент Алексей Бабир мижозининг ҳозирги ҳолати юзасидан изоҳ берди. Бу ҳақда euro-football.ru хабар беради.
Эслатиб ўтамиз, Москванинг “Динамо” клубидан Туркиянинг “Кайсериспор” жамоасига ўтган форвард яқинда енгил жароҳат олганди.
Агентнинг сўзларига кўра, Макаров тикланиб бўлган ва ҳафта давомида умумий гуруҳ билан тўлиқ машғулотларда қатнашмоқда. У жамоага тез мослашган, ҳаммаси ёқмоқда, фақат ўша кичик жароҳат ритмни бузган — акс ҳолда у аллақачон илк дақиқалардан майдонга тушган бўларди. Бу фикрларни “РБ Спорт” келтиради.
Макаров Туркия чемпионатида ҳозирча битта учрашувда майдонга тушиб, 30 дақиқа ўйнашга улгурди.
Якшанба куни “Кайсериспор” Туркия чемпионатининг 23-тури доирасида “Антальяспор”га қарши баҳс олиб боради.