Мерсон «Манчестер Сити» «Арсенал»ни жазолашини айтди
«Арсенал»нинг собиқ футболчиси Пол Мерсон жамоанинг «Вулверҳемптон»га қарши учрашувда дуранг ўйнаб қўйганидан хавотир билдирди. Унинг фикрича, умидсиз аутсайдер билан ўйинда йўқотилган очколар Микел Артета жамоасига қимматга тушиши мумкин. Бу ҳақда euro-football.ru хабар беради.
Мерсон «Манчестер Сити» бундай хатоларни кечирмаслигини таъкидлади ва сўнгги йилларда кўп бор кузатилган сценарий такрорланишидан чўчимоқда. «Бу ўйинни “Арсенал” яна кўп марта эслайди. Чўнтакда турган икки очко қўлдан кетди. “Манчестер Сити” бунинг учун жазолайди. Бу омадсизликка ишонолмайман», — дея унинг сўзларини BBC Sport келтиради.
«Арсенал» охирги бор Англия чемпионлигини 2004 йилда қўлга киритган. Ҳозир лондонликлар рақибларидан 5 очко олдинда, бироқ «Манчестер Сити»нинг битта захира ўйини бор.