Аллегри мавсум тақдири айнан ҳозир ҳал бўлишини айтди
"Милан" бош мураббийи Массимилиано Аллегри "Кому"га қарши учрашув олдидан матбуот анжуманида қатнашди. А Сериянинг 24-туридан қолдирилган баҳс 18-февраль куни бўлиб ўтади, старт ҳуштаги 00:45 да (Тошкент вақти билан) чалинади. Бу ҳақда euro-football.ru хабар беради.
Мавсумнинг ҳал қилувчи қисми ҳақида гапирган Аллегри сўнгги уч ой чемпионат тақдирини белгилашини таъкидлади. Унинг айтишича, жамоада хатоға ўрин деярли қолмаган, "Кому" эса ҳали ҳам Чемпионлар лигаси йўлланмаси учун курашаётганини инобатга олиб, ўйинга максимал даражада тайёрланиш ва диққатни жамлаш зарур.
VAR атрофидаги баҳслар юзасидан мураббий бу мавзуда кўп гапирилганини, энди эса асосий эътибор ўз жамоасига қаратилши кераклигини билдирди. Аллегри футбол доим баҳсли вазиятларга бой бўлиб келганини эслатиб, тизимни яхшилаш устида малакали мутахассислар ишлаши энг муҳим эканини қўшимча қилди.
Шунингдек, Аллегри таркибда жиддий жароҳат муаммолари йўқлигини айтди. Фақат дисквалификация сабабли Рабио ушбу учрашувда майдонга тушмайди.
Ҳозирда "Милан" 53 очко билан иккинчи ўринда бормоқда. "Кому" эса 41 очко билан еттинчи поғонада.