«Ал-Ҳилол» Нуньесни чемпионат рўйхатидан чиқариб ташлади
Уругвайлик ҳужумчи Дарвин Нуньес мавсумнинг қолган қисмида Арабистон чемпионатида майдонга тушмайди. «Ал-Ҳилол»ни бошқараётган италиялик мураббий уни турнир учун рўйхатдан чиқариб, ўрнига клубга қўшилган Карим Бенземани киритди. Бу ҳақда euro-football.ru хабар беради.
Шу билан бирга, Нуньес Осиё Чемпионлар лигаси учрашувлари учун қайдномада қолмоқда ва қитъа мусобақасида жамоасига ёрдам беришда давом этиши мумкин.
Эслатиб ўтамиз, футболчи аввалроқ Испаниянинг «Алмерия», Португалиянинг «Бенфика» ҳамда Англиянинг «Ливерпул» клубларида тўп сурган. У 2019 йилдан бери Уругвай терма жамоасига чақирилиб келади, ҳозиргача миллий жамоа сафида 13 та гол урган ва 2022 йил Қатардаги жаҳон чемпионатида ҳам иштирок этган.