«Бока Хуниорс» спорт директори лавозимига Марсело Делгадо тайинланди
Аргентинанинг «Бока Хуниорс» клуби янги спорт директорини эълон қилди — бу лавозимни Марсело Делгадо эгаллади. У клуб президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
Жамоа таркибини тезкор кучайтириш зарурати бор, шу боис Делгадо ва Рикелме дуэтининг асосий вазифаси яқин муддатда трансфер масалаларини тартибга солиш ва «Бока»ни кучайтириш бўлади.
Делгадо футболчи сифатида ҳам катта тажрибага эга: у Аргентина терма жамоасида 1995–2002 йилларда 18 та ўйин ўтказган, жумладан 1998 йилги Жаҳон чемпионатида ҳам майдонга тушган.
2003 йилда Марсело Делгадо Либертадорес кубогининг энг яхши тўпурари бўлган — у бу кўрсаткични «Сантос» ҳужумчиси, бразилиялик Рикардо Оливейра билан бўлишиб олганди.