Politiets Fellesforbund: – Uansvarleg å ha 33 stasjonar i Vest
0
Med dagens budsjettsituasjon er det uansvarleg å ha 33 stasjonar i Vest politidistrikt.
Det meiner Martin Kjelby, leiar i Politiets Fellesforbund Vest. Ifølge Klassekampen går den lokale fagforeiningsleiaren inn i debatten om politiets struktur på Vestlandet.
I realiteten er fleire av dei minste politistasjonane knapt opne, skriv avisa. Fjaler, Austevoll, Aurland, Årdal, Bremanger, Vik og Masfjorden er blant stadane der bemanninga er låg.
– Det er uansvarleg å ha alle dei små tenestestadane, seier Kjelby, som meiner det blir vanskelegare å ha ei lokal forankring. Politimeister Ane Kvaal innrømmer at budsjettsituasjonen gjer at politiet må legge vekk oppgåver – og ho er bekymra.