«Бока Хуниорс» клубида янги спорт директори тайинланди
Аргентина гранди «Бока Хуниорс» спорт директори лавозимига Марсело Делгадони тайинлаганини маълум қилди. У клуб президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
Жамоа таркибини тез фурсатда кучайтириш зарурати пайдо бўлган, шу боис Делгадонинг асосий вазифаларидан бири Рикелме билан бирга трансфер йўналишида аниқ қарорлар қабул қилиш бўлади.
Делгадо футболчилик фаолиятида ҳам катта тажриба тўплаган: у 1995–2002 йиллар оралиғида Аргентина терма жамоасида 18 ўйин ўтказиб, 1998 йилги ЖЧда ҳам иштирок этган.
Шунингдек, у 2003 йилда Либертадорес кубогида «Сантос» ҳужумчиси Рикардо Оливейра билан бирга мусобақанинг энг сермаҳсул футболчиси сифатида эътироф этилган.