Точилин: МОҚ қарори FIFA ва УЕФАдаги тақиқни ҳам ўзгартириши мумкин
Футбол эксперти Александр Точилин «Евро-Футбол.Ру»га берган эксклюзив интервьюсида FIFA президенти Жанни Инфантинонинг Россия жамоаларига қўйилган тақиқни бекор қилиш ҳақидаги фикрларини ҳамда МОҚ яқин орада Россия спортига оид барча санкцияларни олиб ташлаши мумкинлиги тўғрисидаги хабарларни изоҳлади. Бу ҳақда euro-football.ru хабар беради.
Точилиннинг айтишича, МОҚнинг Милан шаҳридаги йиғилишида принципиал қарор қабул қилингани ҳақидаги гапларга ишонишни истайди. У бундай қарор Европада ҳам муҳим бурилиш бўлиши, Россияни спорт изоляциясидан чиқаришга йўл очиши мумкинлигини таъкидлади. Эксперт фикрича, Россиясиз йирик мусобақаларнинг интрига ва оммабоплиги пасайиб кетишини ташкилотчилар ҳам тушунади.
Инфантинонинг Россияни четлатиш “маънсиз” деган баёнотига тўхталган Точилин, бу ҳолат дунёда вазият ўзгариб бораётганини кўрсатаётганини айтди. У Россияга нисбатан икки хил стандарт ва бирёқлама ёндашув борлигини, бироқ вақт ўтиши билан тақиқнинг ўзи ҳам мантиқсиз экани кўпроқ англанаётганини қайд этди.
МОҚ санкцияларни бекор қилса, бу футболга ҳам таъсир қиладими, деган саволга у аниқ жавоб берди: бундай қадам занжирли реакцияни ишга тушириши мумкин. Точилинча, агар МОҚ каби йирик тузилма биринчи бўлиб қарорини ўзгартирса, бу прецедент бўлади ва бошқа ташкилотлар, жумладан FIFA ҳамда УЕФАдаги позициялар ҳам қайта кўриб чиқилиши эҳтимоли ортади.
Инфантино келажакда жамоаларни сиёсий сабаблар билан четлатишни қонунан тақиқлаш кераклигини айтгани борасида эса Точилин спортнинг асосий шиори сиёсатдан холи бўлиши кераклигини эслатди. Унинг фикрича, Россияга нисбатан қабул қилинган қарорлар айнан шу тамойилга зид келмоқда.
ОАВда FIFA апрел ойидаги конгрессда Россиянинг халқаро турнирларга тўлиқ қайтиши масаласини муҳокама қилиши мумкинлиги ёзилмоқда. Точилин бундай сценарийни инкор этмади ва агар бундай гаплар кетаётган бўлса, демак, маълумотлар асосcиз эмаслигини билдирди.
Шунингдек, у Россияга рухсат берилган тақдирда ҳам айрим жамоалар майдонга тушишдан бош тортиши мумкинлигини тан олди. Бундай ҳолатда эса ҳар бир ташкилот ўз регламенти асосида интизомий чоралар кўриши, зарур бўлса техник мағлубият белгилаши лозимлигини айтди. Точилиннинг фикрича, бу бошқаларга ҳам сигнал бўлади ва бундай демаршлар охир-оқибат ўзларига зарар келтиришини англатади.