The Athletic талқинида тарихнинг энг яхши футболчилари аниқланди
Ижтимоий тармоқларда The Athletic нашри тузган футбол тарихидаги 100 нафар энг зўр футболчи рўйхати кенг муҳокамага сабаб бўлмоқда. Бу ҳақда euro-football.ru хабар беради.
Рейтингнинг кучли ўнлиги қуйидагича: Лионел Месси, Диего Марадона, Пеле, Йохан Кройф, Криштиану Роналду, Алфредо ди Стефано, Франц Беккенбауэр, Зинедин Зидан, Ференц Пушкаш ва Мишел Платини.
Бундай рўйхатларни мутлақо холис тузиш қийин экани яна бир бор кўринди: Reddit’даги изоҳларда футбол ишқибозлари ўртасида қизғин баҳслар авж олди. Айримлар уч карра жаҳон чемпиони бўлган Пеленинг фақат учинчи ўрин билан чеклангани билан норози.
Шунингдек, дарвозабонлар орасида афсонага айланган Лев Яшин ушбу рейтингда 18-поғонадан жой олди.