Аргентина футбол раҳбарияти иқтидорли ёшлар кетишини тўхтатмоқчи
Аргентина Футбол Ассоциацияси маҳаллий клублардан иқтидорли ёш футболчилар оқиб кетишини камайтиришга қаратилган янги тартиб жорий қилди. Бу ҳақда The Athletic хабар берди. Бу ҳақда euro-football.ru хабар беради.
Янги қоида бўйича, фаолиятида Аргентина клуби билан профессионал шартнома имзоламасдан туриб хорижга кетган футболчилар терма жамоага чақирилмайди.
Мамлакатда амалда бўлган «patria potestad» қонуни ота-оналарга фарзандларини хориж клубларига компенсациясиз ўтказиш имконини беради. Ассоциация футболчиларнинг кетишини тақиқлай олмайди, бироқ терма жамоада ўйнаш ҳуқуқидан маҳрум қилиш эрта трансферлардан қайтаради, деган умидда.
Қайд этилишича, агар бу қоида аввалроқ кучга кирганида, Лионель Месси, Эмилиано Мартинес ва «альбиселесте»нинг яна бир нечта ҳозирги футболчиси халқаро майдонда ўз юртидан эмас, бошқа терма жамоа сафида тўп тепишга мажбур бўлиши мумкин эди.