Ширер Хау ҳозирча ишдан кетиш хавфи йўқ деди
АПЛнинг 25-турида «Ньюкасл» яна очко йўқотди ва турнир жадвалининг иккинчи ярмида қолишда давом этяпти. Шунга қарамай, клуб афсонаси Алан Ширер бош мураббий Эдди Ҳауунинг ўрни ҳозирча хавф остида эмаслигини таъкидлади. Бу ҳақда euro-football.ru хабар беради.
Ширернинг фикрича, вазият ташқаридан ёмон кўриниши мумкин, аммо айни дамда мураббийга босим кескинлашганини айтиш қийин. У ёзги трансферлар кутилган даражада самарали бўлмагани мумкинлигини эслатиб, бу масалада айб тўлиқ Ҳауунинг зиммасидами-йўқми — баҳсли эканини қайд этди. BBC Sport келтирган иқтибосда Ширер Ҳаууга ҳозир фақат натижаларни яхшилаш кераклигини, лекин унинг лавозимига реал таҳдид кўрмаётганини айтган.
Навбатдаги муваффақиятсиз ўйиндан сўнг «Ньюкасл» АПЛ жадвалида 13-ўринга тушиб кетди.