«Фенербаҳче» «Аталанта» билан Адемола Лукман бўйича гаплашди
Туркиянинг «Фенербаҳче» клуби Италия вакили «Аталанта» билан нигериялик ҳужумчи Адемола Лукманнинг трансфери юзасидан музокара ўтказди. Бу ҳақда журналист Фабритсио Романо ижтимоий тармоқларда маълум қилди. Бу ҳақда euro-football.ru хабар беради.
Манбага кўра, 30 январ куни бўлиб ўтган учрашувдан кейин келишув якуний босқичга яқинлашган. «Фенербаҳче» Лукман учун бонуслар билан бирга 40 миллион евро тўлашга тайёр.
Ўтган ёзда футболчига Миланнинг «Интер» клуби ҳам жиддий қизиқиш билдирган, бироқ «Аталанта» уни қўйиб юбормаган. Шундан сўнг Лукман бир муддат майдонга тушишни истамагани айтилади. Жорий мавсумда 28 ёшли ҳужумчи 19 ўйинда 3 та гол урди ва 2 та голли узатмани амалга оширди.