Татарстанда татар КВНы буенча дөнья чемпионаты уздырырга тәкъдим иттеләр
Татарстанда татар КВНы буенча дөнья чемпионаты уздыру идеясе эшләнә. Чара «Казан – ислам дөньясының мәдәни башкаласы» линиясе буенча вакыйгалар блогының бер өлеше булырга мөмкин. Бу хакта «Татар-информ»ның баш мөхәррире Ринат Билаловка «12 кат» проектында биргән интервьюсында ТР Яшьләр эшләре буенча министры Азат Кадыйров хәбәр итте.
«Казанда татар КВНы буенча дөнья чемпионатын уздыру, башка илләрдә яшәүче татарларны юмор аша республика мәдәниятенә чума алу идеясе бар», - диде ул.
Моннан тыш, «Наше время – Безнен заман» фестивале кысаларында дус илләрдән хезмәт коллективларын катнашырга чакырырга телиләр. Бу мәсьәлә буенча Татарстан предприятиеләре белән фикер алыштылар инде, алар барысы да ризалашты, дип өстәде министр.