Mann i 30-åra døde i Florø
0
Ein mann i 30-åra vart funnen livlaus i Florø i Vestland søndag morgon.
Personen vart funnen av ein forbipasserande ved ein undergang under riksveg 5.
Politiet vart varsla klokka 8.16. Politi og ambulanse var raskt på staden og starta straks med hjarte- og lungeredning. Klokka 8.44 var personen erklært død.
Operasjonsleiar Frode Kolltveit i Vest politidistrikt opplyser at mannen budde i Florø.
Det er uvisst kva som har skjedd. Politiet undersøker om vedkommande har falt frå riksvegen, som ligg 3–4 meter over. Han vart funnen med hovudskadar.
– Det er så langt ingen konklusjon rundt sjølve hendinga, men politiet har fått god oversikt over avdøde sine rørsler i forkant, melder Kolltveit.
Pårørande er varsla.