Марина ел логотибын ясады
2016 ел Зәй районында Спорт һәм сәламәт яшәү рәвеше елы дип игълан ителде. Шул уңайдан ел логатибына бәйге үткәрелде. Комиссиягә күп кенә үзенчәлекле эшләр тәкъдим ителде. Нәтиҗәдә иң отышлысы дип шәһәрдәшебез, хәзерге вакытта Казан федераль университеты студенты Марина Атряхина иҗат иткән логотип табылды. Марина шәһәребезнең - сәнгать мәктәбен тәмамлап, төрле дәрәҗә рәсем сәнгате күргәзмәләрендә катнашкан кыз. Без Маринага алга таба да уңышлар телибез.