Балык Бистәсендә кышкы каникуларда балалар хоккей турнирында катнаштылар
Кышкы каникул көннәрендә балалар-яшүсмерләр спорт мәктәбе укучылар өчен төрле спорт ярышлары уздырды.
Котлы Бөкәштә тренер-укытучы Булат Каюмов призларына 2002 елгы һәм яшьрәк үсмерләр арасында традицион хоккей турниры үткәрелде. Ярышта алты мәктәп командасы катнашты. Тренер Әнәс Пулатов җитәкчелегендәге балалар-яшүсмерләр спорт мәктәбе командасы беренче урынны яулады. Күгәрчен командасы-икенче, котлыбөкәшлеләр өченче урынны алдылар.
Илһам Шәйхетдинов (Котлы Бөкәш)- иң яхшы капкачы, Дәниф Хәйруллин (Ямаш)- иң яхшы сакчы, Айнур Шәрипов (Күгәрчен)- иң яхшы һөҗүмче, Әмир Йосыпов- иң яхшы бомбардир, Иван Денисов иң яхшы уенчы булып танылдылар. Әмир Баһавиев (Ямаш), Илһам Шәйхетдинов турнирның иң яшь уенчылары буларак билгеләп үтелделәр.
Илгиз Җамалиев.
Фото: c redrs@mail.ru