Гвардиола: «Сити» ўтган мавсум фақат битта совринга лойиқ эди
«Манчестер Сити» бош мураббийи Хосеп Гвардиола «Ньюкасл»га қарши ўйин олдидан ўтказилган матбуот анжуманида жамоанинг сўнгги даврдаги совринсиз қолаётгани ҳақида фикр билдирди. Клуб 2024 йилдан бери ҳеч қандай кубокни қўлга кирита олмаган. Бу ҳақда euro-football.ru хабар беради.
Мутахассиснинг таъкидлашича, асосий масала совринлар сони эмас, балки жамоа қандай ўсаяётгани ва ўйин сифати. Унинг айтишича, ўтган мавсумда «Сити» бир тадан ортиқ совринни ютишга муносиб бўлмаган, чунки жамоа кутилган даражада ўйнай олмаган.
Гвардиола яхши ўйиндан олинадиган қониқиш жамоа учун энг муҳим мезон эканини, мухлислар эса стадиондан завқ олиб чиқиши кераклигини қайд этди. У ҳар бир кейинги учрашувда имкони борича янада сифатлироқ футбол кўрсатиш мақсад эканини, шу жараён охир-оқибат чемпионликлар учун кураш ва совринларга олиб келишини қўшимча қилди.
Айни пайтда «Манчестер Сити» Англия чемпионатида иккинчи ўринда бормоқда ва пешқадам «Арсенал»дан 6 очко ортда.