ПСЖ «Барселона» ортидан Рашфорд учун курашга кирди
Парижнинг «ПСЖ» клуби ҳужумчи Маркус Рашфордни ўз сафига қўшиб олиш масаласини кўриб чиқмоқда. Англиялик футболчи ҳозир «Барселона»да ижара асосида ўйнамоқда, унинг ҳуқуқлари эса «Манчестер Юнайтед»га тегишли. Бу ҳақда euro-football.ru хабар беради.
Marca хабарига кўра, парижликлар «қизил иблислар»га Рашфорд трансфери учун 50 миллион евро таклиф қилишни режалаштирмоқда. Шу билан бирга, футболчининг каталонияликлар билан ижара шартномасида 30 миллион евролик сотиб олиш опцияси ҳам бор.
«Барселона» Рашфордни 2025 йил ёзида «Манчестер Юнайтед»дан мавсум охиригача ижарага олганди. Жорий мавсумда у «кўк-анорранглилар» сафида барча мусобақаларда 27 ўйинда майдонга тушиб, 7 та гол урди ва 11 та голли узатма берди. Transfermarkt портали Рашфорднинг бозор нархини 40 миллион еврога баҳоламоқда.