Тагын янганнар
Бу юлы Татарстанның Теләче районында. Ир-ат зыян күргән. Янгын кичә Караширмә авылында теркәлгән, дип хәбәр итә Россия Гадәттән тыш хәлләр министрлыгының Татарстан буенча Баш идарәсе матбугат хезмәте.
Ведомство мәглүматына караганда, янгын турындагы хәбәр 4.20дә алынган. Бер катлы агач йорт янган. Янгын мәйданы 30 кв метр тәшкил иткән.
«Янгын нәтиҗәсендә 1991 елда туган ир-ат зыян күргән, ул Теләче районы Үзәк хастаханәсенә салынган», - дип хәбәр итә Татар-информ. Янгынның башлангыч сәбәбе - ут белән саксыз эш итү.
Чыганак: http://intertat.ru/tt/yanalyklar/item/52839
Фото: http://img2.gorod.lv/images/news_item/pic/253326/big/1393960839_rol.jpg