«Ливерпуль» «Вулверҳэмптон» ҳужумчисини сафига қўшиб олмоқчи
«Вулверҳэмптон» ҳужумчиси Матеус Мане «Ливерпуль»га кўчиб ўтиши мумкин. Бу ҳақда euro-football.ru хабар беради.
TEAMtalk журналисти Дин Жонснинг маълумотига кўра, 18 ёшли форвард «қизиллар»нинг диққат марказига тушган. Англиянинг амалдаги чемпиони ёш футболчини яқиндан кузатиб бормоқда. Шунингдек, «Ливерпуль» таркибидаги бир нечта футболчи Мане билан бир хил агентга эга экани келишувни осонлаштириши мумкин.
Матеус Мане 2024 йилдан бери «Вулверҳэмптон» сафида тўп суради. Унинг шартномаси 2029 йил 30 июнгача мўлжалланган. Ҳужумчи «бўрилар» сафида барча мусобақаларда жами 12 ўйинда майдонга тушиб, 2 та гол урди ва 2 та голли узатма берди.