Лениногорск укучылары өчен фән олимпиадалары башланачак
Республикада мәктәп укучылары арасындагы бөтенроссия бәйгесенең төбәкара туры һәм Татарстан бәйгесенең финалы 12 гыйнварда башланачак.
Әлеге фән олимпиадаларының максаты – укыту программасын камилләштерү, алдынгы укучыларны барлау һәм бүләкләү. Моннан тыш ул балалар белән өстәмә эш алып бара торган, үз эшенә иҗади якын килә белүче укытучыларны да аерып күрсәтүне күз уңында тота.
7–11 сыйныф укучылары быел да, башка еллардагы кебек рус, татар теле һәм әдәбияты, чит телләр, шулай ук физика, математика, химия, биология, география, астрономия, хокук белеме, тарих, информатика, технология кебек гомумбелем нигезләрен тәшкил иткән фәннәрне белү осталыгында ярышачак.
Чыганак:http://almet-rt.ru