Марко Верратти фаолиятини Аргентинада давом эттириши мумкин
«Ал-Дуҳаил» ярим ҳимоячиси Марко Верратти келаси мавсумдан Аргентинада тўп суриши эҳтимоли бор. Бу ҳақда euro-football.ru хабар беради.
Globo хабарига кўра, италиялик футболчини «Бока Хуниорс» ўз сафига қўшиб олишга қизиқмоқда. Буэнос-Айрес клуби Либертадорес кубогидаги курашни янада кучайтириш учун марказий чизиқни мустаҳкамлашни мақсад қилган. «Бока Хуниорс» раҳбарияти футболчининг вакиллари билан мунтазам алоқада бўлиб, ўйинчининг шартлари ва талабларини аниқлаштирмоқда.
Верратти 2025 йил ёзида эркин агент сифатида «Ал-Араби»дан «Ал-Дуҳаил»га ўтган эди. Жорий мавсумда у 14 та учрашувда майдонга тушиб, 4 та гол урди. Transfermarkt портали Марконинг бозор қийматини 7 миллион евро деб баҳоламоқда.