Тукманов ФИФА Венесуэладаги воқеаларга кўз юмди дейди
Россия футбол иттифоқининг собиқ вице-президенти Александр Тукманов Венесуэлада юз берган сиёсий воқеалар юзасидан фикр билдирди. Унинг айтишича, АҚШ ҳарбийлари ўтказган операциядан сўнг мамлакат президенти Николас Мадуро ҳокимиятдан айрилган. Бу ҳақда euro-football.ru хабар беради.
Тукмановнинг таъкидлашича, бу ҳолат АҚШнинг мундиал мезбонлиги масаласига таъсир қилмаслиги мумкин. «ФИФА шу сабабли АҚШдан жаҳон чемпионатини ўтказиш ҳуқуқини олиб қўяди-ми? Менимча, йўқ. Эҳтимол, ФИФА бу воқеаларга кўз юмди, чунки турнир ташкилотига жуда катта маблағ тикилган», — дея унинг сўзларини “Match TV” келтиради.
48 та терма жамоа иштирок этадиган 2026 йилги жаҳон чемпионати 11 июндан 19 июлгачa Канада, Мексика ва АҚШ ҳудудларида бўлиб ўтади. Турнирга сўнгги йўлланмалар март ойида ўйналади.