Александр Елагин Маресканинг «Челси»дан кетишини ғалати деди
Футбол шарҳловчиси Александр Елагин лондонлик «Челси» бош мураббийи лавозимидан Энсо Маресканинг ишдан бўшатилишига муносабат билдирди. Бу ҳақда euro-football.ru хабар беради.
Мутахассис фикрича, клуб раҳбариятининг бу қарори жуда ғалати кўринади.
Елагиннинг ёзишича, масала фақат натижаларда эмас. «Челси» раҳбарияти Мареска ҳақидаги китобнинг нашрини тўхтатиб қўйгани, шунингдек, унинг La Gazzetta dello Sport нашрига рухсатсиз берган интервьюсидан кескин норози бўлгани айтилади. Елагин бунга сабаб сифатида Мареска билан Эгбали ўртасидаги шахсий муносабатлар таранглигини тахмин қилди.
Премьер-лиганинг 19 туридан сўнг «Челси» 30 очко билан турнир жадвалида бешинчи ўринда бормоқда.